Ils russers
tenor Dun da Nadal 1937
en: Miu amitg. Cudisch da lectura per VI. classa, Administraziun cantunala per mieds d’instrucziun, Cuera, 1974:222-223
Tedlei affons! … Neve, russers enconuscheis vus tuts ed haveis segir gia magliau biars. Igl atun cura ch’ins sa cavar ils emprems truffels e la mumma ha tschagrun frestg, gest menaus ord l’alp, lu fa ella mintgaton russers e vus scheis adina puspei gustar els. E gnanc tgisà, buns ein els propi, ils russers. Mo danunder che nos russers han survegniu lur num, gliez saveis vus forsa aunc buc ed haveis segir marveglias.
|